Os nosos alumnos presentan os Polos Creativos ao alumnado Erasmus+: unha xornada de innovación e aprendizaxe compartida

O pasado mércores vivimos unha xornada chea de inspiración no noso centro! Un grupo de alumnos foi o encargado de amosar aos participantes do programa Erasmus+ todo o potencial dos Polos Creativos, espazos pensados para fomentar a creatividade, a innovación e o traballo colaborativo.

Durante a actividade, os nosos estudantes presentaron diversos materiais e proxectos realizados empregando ferramentas como cortadora láser, kits de robótica e placas electrónicas. Os visitantes tiveron a oportunidade de ver de preto como se aplica a tecnoloxía na aula, interactuar cos dispositivos e intercambiar ideas co noso alumnado.

A resposta foi moi positiva: houbo curiosidade, preguntas, aprendizaxe mutua e, sobre todo, moita ilusión por parte de todos e todas. Esta experiencia puxo en valor o traballo que se está a facer nos Polos Creativos e reforzou o espírito de colaboración internacional que caracteriza ao programa Erasmus+.

PERLAS MOTESSORI

HOXE MULTIPLICAMOS COAS PERLAS MOTESSORI 

Vantaxes de usar Perlas Montessori na multiplicación

✅ Aprendizaxe manipulativa: O neno toca e move os obxectos, o que facilita a comprensión.

✅ Visualización clara: As perlas permiten ver a estrutura da multiplicación de xeito claro e ordenado.

✅ Fomenta a autonomía: O material Montessori está deseñado para que os nenos aprendan a través da súa propia experimentación.

✅ Mellora a confianza: Ao entender o concepto antes de memorizar as táboas, os nenos séntense máis seguros coas matemáticas.

A PIZARRA DIXITAL

A pizarra dixital interactiva é unha ferramenta moi útil para a ensinanza, xa que ofrece estímulos visuais, dinámicos e personalizados que favorecen a aprendizaxe. A súa capacidade para integrar cores, sons e actividades lúdicas capta a atención dos nenos, mentres que as súas funcións interactivas fomentan a participación activa. Ademais, permite adaptar as actividades ao ritmo e ás necesidades de cada alumno, promovendo tanto o desenvolvemento matemático como as habilidades sociais nun entorno inclusivo e motivador.

 SÍLABAS TRABADAS

Comezamos o ano con moitas ganas de traballar. O recurso que se amosa nas imaxes é unha pizarra luminosa, que fai moi atractivas as actividades. Neste caso, traballamos en lingua castelá algunhas sílabas trabadas, escribindo e lendo palabras que as conteñen como: clavel, tigre, globo e crema. Ademais, utilizamos diferentes cores para identificar as vogais.

A MESA DE LUZ 

A mesa de luz é unha ferramenta valiosa na intervención con nenos con autismo, xa que favorece o seu desenvolvemento sensorial, motor e cognitivo de maneira lúdica e estimulante. A través das súas cores brillantes e contrastantes, os nenos poden explorar patróns, formas e texturas, o que mellora a súa concentración e coordinación. Ademáis, promove a comunicación e a interacción social, xa que convida á participación en actividades grupais ou individuais. Utilizada de maneira terapeutica, a mesa de luz tamén pode ofrecer momentos de calma, reducindo a ansiedade e favorecendo un ambiente relaxante para a aprendizaxe e a creatividade.

3 de decembro, día internacional da discapacidade 

Hoxe 3 de decembro, é o día internacional das persoas con discapacidade. Co motivo desta conmemoración o alumnado de 3ºESO-B realizou unha actividade na biblioteca escolar coa finalidade de facela un espacio máis accesible e inclusivo. Durante a actividade se trataron varios aspectos, por un lado, a través dunha presentación profundizouse nos conceptos de discapacidade, entornos discapacitantes, inclusión e accesibilidade, centrándonos concretamente na accesibilidade cognitiva a cal, facilita a todas a persoas a comprensión do mundo no que vivimos. Trala explicación e o visionado de vídeos que aclaraban os contidos a tratar formamos tres equipos, un deles sinalizaba con pictogramas a biblioteca e os outros dous equipos fixeron un traballo de investigación nos ordenadores da biblioteca, en primer lugar identificaron qué máis pictogramas facían falta e logo os buscaron e descargaron dende a plataforma de ARASAAC.

Aproveitando os recursos TIC

O uso de recursos tecnolóxicos fomenta a aprendizaxe de habilidades específicas de maneira interactiva e motivadora. Na imaxe, os nenos exploran aplicacións educativas que lles axudan a desenvolver as súas competencias de forma dinámica e accesible.