Dominó de imaxe e sílaba inicial: un xogo para a conciencia fonolóxica 🧩✨

 Dominó de imaxe e sílaba inicial: un xogo para a conciencia fonolóxica

Hoxe queremos compartir unha actividade que usamos nas nosas sesións de Audición e Linguaxe (AL) co alumnado, a cal está deseñada para traballar a conciencia fonolóxica e o desenvolvemento da linguaxe oral dende unha perspectiva lúdica e moi manipulativa. Trátase dun dominó de imaxe e sílaba inicial, un material dinámico no que os nenos e nenas deben relacionar cada ficha que amosa unha ilustración coa súa correspondente sílaba ou buscar a asociación correcta segundo o son inicial. Este recurso resulta perfecto para axudarlles a asociar os grafemas cos fonemas e as imaxes, favorecendo así a discriminación auditiva, a atención e a memoria dun xeito totalmente interactivo.